Padayon nga nakiusa an miyembro han Sangguniang Bayan ha pangunguna ni Vice Mayor Mario V. Bague ha paglusad han magkadurodilain na serbisyo han munisipyo kaupod an Lokal nga Pangobyernohan han Alangalang ha pangunguna ni Mayor Lovely Yu-Castro ha Barangay Borseth.

Personal nga nanhatag hin mga awareness materials parte han magkudodilain nga mga ordinansa an aton aktibo na Vice Mayor han bungto sugad han ‘Comprehensive Anti-Smoking Ordinance’ kaupod hira Hon. Ketchie Rex Barrantes ngan SK Federation President Hon. Jan Reian Nino Saavedra.

Presente gihapon han mao na barangayan an 1st District Board Member Hon. Ronan Christian ‘Bolingling’ Reposar han padayon nga paghatag han libre serbisyo legal ug an PhilSys Birth Registration Assistance Project Team na kun diin libre an pagpa notaryo ngan pagparehistro han ira mga live birth. Nakiusa gihapon ha Barangayan an Team Rhu ha paghatag han libre consulta, medisina ngan iba pa. Kaparte han serbisyo medikal nagbuhat gihapon hin bloodletting activity na pinangulohan han EVRMC Bloodbank na kun diin aktibo gihapon na nagboluntaryo nga nagpartisipar an mga molupyo han Barangay Borseth. Kaupod gihapon han paghatag han libre nga serbisyo an opisina han Municipal Treasury, Munisipal Agriculture, ug Municipal Assesor’s Office han pangunguna han Municipal Assesor Selena Tristan Yu.

Inin nga serbisyo han Team LGU in magpapadayon paglusad ngan ihahatag an #SerbisyoNaMayGugma ha magdulodilain na mga Barangay para mapadayon an #MainuswagonngaBungto han Alangalang.